Lebanon-Israel borde deh violence ola tho teentha Hezbollah fighters muri shae Monday din deh. Israel military para ekta Israeli soldier muri shae kui shae anti-tank missle attack para.
US President Joe Biden para Middle East laka alak players kan keh jakara tho join naku ri b kui nah warning di shae aro Israel keh support dibo karne American warships kan b di shae.
“Ki joker ase koile tho, America para parties kan keh self restraint practice kuri b kui ase hoile b enaka time deh taikan tho fake Zionist entity kan keh Gaza deh taka maike, bacha aro civilians kan mura bole allow kuri ase,” Amirabdollahian para kui shae.
“Zionist entity laka organized crimes kan tho phat rukai dia nai koile, ki ki hobo najane.” Tai para tate eman tho explain kura nai hoile leh Iran backed groups kan war deh join kuri bo pareh kui nah hint di ase pareh.
Senior Hamas official Ali Barakeh para The Associated Press lokot kotha kuri shae etu hapta Beirut deh. Tai para Iran aro Lebanese Hezbollah nishi nah allies kan battle join kuri bo kui shae Gaza deh ‘war of annihilation’ ahi shae kui shae.
Amirabdollahian para foreign ministers, Islamic Cooperation Organization laka leaders aro 57 countries kute important Muslim population ase, tam kan keh mati shae Gaza laka situation tho discuss kuri bo karne.
Amirabdollahian para Hamas ki kuri shae weekend deh, etu tho Israel laka Prime Minister Benjamin Netanyahu laka policies keh jawab dibo karne taki shae kui shae.
Add Comment