Iran para Israel upor deh direct attack order kuri shae

August 2, 2024: Iran laka supreme leader, Ayatollah Ali Khamenei para Israel upor deh ekta direct strike order kuri shae, Hamas leader Ismail Haniyeh keh murai dia karne, New York Time isap deh. Iran supreme national security council  laka emergency meeting time deh, Khamenei para order tho issue kura ase, Haniyeh laka death announce kura piche deh. Iran aro Hamas para Israel keh accuse kuri nah ase, assassination kura karne. Hoile b Israel, kun kan itia Hamas lokot conflict deh ase, taikan para kuri shae kui nah confirm aro deny b kura nai. Iran laka state run Press TV para Khamenei tho Haniyeh karne funeral prayers lead kuri bo kui shae, Tehran deh. Iranian officials para military commanders kan drones aro missiles laka coordinated attack kuri bole papna kuri ase kui shae, Tel Aviv aro Haifa laka osor taka military targets deh. Taikan, Yemen, Syria aro Iraq laka allied forces lokto deh ekta dangor hamla kuri bole b papna kuri ase. Iran laka newly elected President, Masoud Pezeshkian aro alak officials kan para Iran kan, Israel laka against retaliate kuri bo mun jai kui nah openly share kuri shae. Taikan para, taikan nation laka sovereignty keh defend kuri bole right ase kui shae.