Iran pora Israel logode hosiyar

Agencies, 27 September: Iran’s Supreme National Security Council laga secretary pora Israel logode kowah toh, Syria’s army aro tai khan laga sati logode aro hamla nakoribe. Judi hamla korise koile kelay-korise na yaat hobo koise. Syria de, Syria laga pethor manu pora besi hamla hoi thaga de Iran aro Russia pora motob korise. Etu motob kori kena sat-sal majode Syrian President Bashar al-Assad logode bachaideya thakise. Hoilebe Israel khan laga bhabuna hesab de, Iran toh Syria de besi time karni military thakibo pari koise. Aro tai khan pora jai-ja tui-sal time de Iranian logode target kori kena Syria jaga de 200 par hamla korise koise. Thursday de Iran’s Supreme National Security Council laga secretary Ali Shamkhani pora kowah toh, Zionist regime toh Syria de hamla koribo karni daiyar kori ase koise aro sitha terrorist groups logode meli-kena Syria army aro forces logode hamla koribo pari koise. Aro etu enaga jai thakise koile tai khan dekthari pabole ase koise. Israel khan ektum gara pora kelaf kora bechide be Monday din Russia pora Syria logode S-300 surface-to-air missile system supply koribole janaise.