Agencies, 24 September: Monday din Iran’s Revolutionary Guards laga deputy head pora U.S. aro Israeli leaders logode hosiyar janaidese. Tai khan pora hosiyar janaideya toh, Ahvaz laga city de military parade loi thaga time de tai khan pora hamla kora ase koi-kena bothnaam korise. Saturday de 25 jun moraideya de, Ahvaz laga thousands manu khan rasta de mourn kora thakise. 25-jun mora majode 12-jun toh elite Revolutionary Guards laga members ase. Hossein Salami pora funeral nakora agae de kowah toh, ami khan laga gusha apuni khan jani kena ase. Ami khan laga jawab toh ektum katharnaak hobole ase aro apuni khan etu toh kelay korise-na koi-kena yaat koribole ase koise. Iran’s intelligence minister, Mahmoud Alavi pora kowah de Judiciary’s news agency Mizan pora janaideya toh, etu hamla de link hoi kena thaga dangor network suspect pora arrest kori kena ase koise. Iran pora Monday din toh national mourn din kora thakise. Islamic Revolutionary Guards Corps (IRGC) laga dangor commanders pora kowah toh, Ahvaz jaga de hapla kora khan toh Gulf states aro Israel laga militants aro America ase koise. Hoilebe IRGC pora tai khan kunke hoilebe dekhise koile sitha hamla koribo koise.
Add Comment