Tehran, 21 June 2025: Iran tu uncertain ase daikhan United States ke trust kurivo parivo na nai diplomatic talks de Israel para aerial attack kura bechede daikhan laga country de negotiations khan American officials loko schedule nahua time de, Iranian Foreign Minister Abbas Araggchi para koise Friday de ekta exclusive interview de NBC News loko.
NBC News para hudishe ke United States laga deal within two weeks time frame diya tu President Donald Trump para, etu opor de Araghchi para koise ke etu Trump administration opor de ase daikhan laga determination tekavolae ekta negotiated solution karone.
Hoilibi, dai para suggest kuris eke Washington tu genuinely interest nai diplomacy de aru talks khan eni kuri ase cover kurivolae Israel laga attacks de.
Interview de juntu Geneva de conduct kurise European diplomats loko , Araghchi para koise daila government tu ready ase negotiate kurivolae hoilibi Israel para first aerial attacks rukavolae la ge Iran de.
“moikhan prepared nahoi negotiate kurivolae daikhan loko, aggression tu continue hua tak,” dai para koise.
Araghchi para koise Iran para give up nakurivo Uranium enrichment de Trump para demand kura neshina, aru koise dai para clear kurise U.S. envoy Steve Witoff loko.
“ moi para beshi par koise zero enrischment tu impossible ase,” Araghchi para koise.
Sob country tu right ase uranium enrich kurivolae peaceful purpose karone, Araghchi para koise.
“ etu achievement ase moikhan laga scientist karone. Etu ekta national pride aru dignity laga questions ase,” dai para koise.
Araghchi para koise Witkoff tu deliver kurivolae paria nai discuss kura de bolai meetings de.
“dai ekta gentleman ase, kun kam kurivo parivo, hoilibi dai kotha beshi alak kura lok pa time de. Etu tu dai promise kura laga deliver kurivo napara karone hobo pare,” Araghchi para koise.
Dai add kuris eke, “ etia moikhan majo de ekta confidence nai, dai para deliver kurivo para nai daila promise tu aru moikhan mele kena kam kurivo laga tu.
Dai aru Witkoff tu communicate kuri ase etia bi, dai para koise.
Araghchi para koise ke Iran laga Nuclear facilities de bombing hua tu technical “ knowledge “ destroy kurivo naparivo Iran para nuclear program develop kuri kena ase.
Trump para United States strike kurivolae decide kurele , daila government retaliate kurivolae right ase Israel loko kura neshina.
Israel laga threat address kura de aru Iran laga supreme leader, Ayatollah Ali Khamenei ke target kurele, enika act tu sobse dangor crime hobo daikhan commit kura de, hoilibi “daikhan kurivo naparivo.” Araghchi para koise.
“moi papai tu Americans khan serious ase koile diplomacy de wapas javolae, ke la ge koile telephone call Washington para kurivolae Tel Aviv ke sob tu rukavolae,” dai para koise.
Dai koise ke Iranians khan ekta long history ase independence aru hope kure Trump para bujivolae Iranians aru moikhan laga pride aru dignity tu”.
Araghchi tu ekta experienced diplomat ase kun top negotiaters takise 2015 nuclear deal de Tehran aru world power majo de. Etu agreement para iran laga nuclear kam limit kurise aru return de U.S. aru international sactions hua nai.
Add Comment