Baghdad: Saturday aro Sunday din pithor, Iraq-Syria border osor te air hamla te Iran laga Revolutionary Guards commander ke morai thishe, koikena Monday din local militia officials para junaishe. Etu samai tai khan para commander laga nam koboli parai nai, hoilebi tai logot aro tin(3) jun manuh gari te jai thaka samai morishe. Etu gari te saman thurikena thaka toh Iraqi border osor, Syrian jaga te kosa samai mari thishe, koikena tuita (2) Iraqi officials para alag-alag jaga para koishe. Iran aro Iraqi paramilitary groups para bodies toh othaishe, koikena tuita officials para koishe, hoilebi kotha besi kowa nai aro ke samai hoishe etu be janai deya nai. Local military aro militia sources para koishe, etu samai Reuters khan logot khobor loboli parai nai ke, Iranian commander toh morishe koboli. Etu hamla toh, agae din te Iranian nuclear scientist Mohsen Fakhrizadeh ke Tehran te morai deya beche ase. Iran para Israel ke botnam korishe. Jaa hafta, Israel para Syrian aro Iranian ke Syria te air hamla korishe. Etu hamla toh U.S. President Donald Trump office jaribo nemite Iranian ke target kora signal ase koishe.
Iraqi officials khan President-elect Joe Biden aha nemite phui ase, keli koile Iran nemite Biden logot toh Trump administration he beya wala ase.
Add Comment