Iraq, 15 April 2025: Thousand nishina anu ke saas lubo leh diktar problem lokot chari dishey sandstorm Iraq laka central aro southern parts te aha pichideh, Health officials khan pra janai dishey. Muthana province te ekta official pra report kuri shey AFP new agency ke ki at least 700 cases huni shey aro sop toh suffocation laka thaki shey. Footage shared kura online te dikhi paishey jaka pura orange colour dhunga pra cover hoi kina. Tadeh local media pra power cut aro flights khan suspend kura report kuri shey bishi regions te. Dust storm toh hoi thake Iraq te hoileh b kunba experts khan bisas kuri ase etu khan bishi wala hoi ase climate change nimite.
Bira manu aro police khan face masks chulai shey taikhan nijor ke protect kuribo leh dust pra aro paramedics khan phatai dishey manu khan ke madat kuribo leh kun saas lubo leh duk pai ase, AFP laka hisap pra. Hospital khan Muthanna province te southern Iraq te at least 700 cases nishina paishey suffocation laka, ekta local health official pra koishey. 250 opor manu ke hospital te loi jaishey Najaf province te. Aro at least 322 patients bacha khan ke milai kina hospital te phatai dishey Diwaniyah province te.
Aro 530 manu report kuri shey saas lubo leh ditaq Dhi Qar aro Basra province te. Sandstorm pra Iraq laka southern provinces khan orange cloud te cover kuri dishey. Etu pra visibility toh komti kuri dishey. Authorities khan ke force kuri shey airports bon kuribo leh Najaf aro Basra province te. Condition toh expect kuri ase bhal hubo leh Tuesday din morning pra toh, local weather service hisap pra. Iraq toh UN pra list kuri kina ase pasta pra ekta countries sopse vulnerable climate change ke.
Add Comment