IRBn personnel ke dhurishey firearm aro ammunition khan hari ja nimite

Seijosa, 26 October 2024: Seijosa police khan tinta manu ke dhurishey- duita toh IRBn personnel ase- Seijosa police station te FIR lodge kura nimite 21 October te. Tadeh koishey 3^rd IRBn BHQ, central kote toh khuli thakina thakishe aro ekta 9mm pistol aro 11 live round 9mm goli hari jaishey, Pakke-Kessang SP Tasi Darang pra enika koishey Friday din laka press release te.Case register kura pichideh, Seijosa police team, Sang Thinley pra led kura laka, SP la supervision under te, kam kuribo jaishey aro IRBn constables Phuntso Dondup (30) aro Haricharan Boro (31) ke dhurishey. Tai khan lokot ekta MD Babul Ali (35) ke b dhurishey. Release te koishey.Investigation hwa time te, accused pra police team khan ke Kekakuli bosti, Sonitpur district Assam laka osor te loi jaishey. Tadeh pra 9mm pistol toh paishey bush pra.Eleven live 9mm goli b paishey Seijosa te Constable Boro laka rented ghor pra. Release pra enika koishey. Sop chor hoi ja hatiyar aro goli khan wapas paishey koishey.Investigation aro jai ase, enika kurina aro jani paishey etu tinta manu b drugs addict thakishey. Release pra jani  paishey.