Ireland para India te 700 Oxygen pongchise

New Delhi: India te second wave bemari jai thaka samai Ireland para 700 units oxygen concentrators aro and 365 ventilators toh New Delhi pongchise koishe. “International mel-melab jai ase! Shipment toh 700 units of oxygen concentrators aro 365 ventilators toh Ireland para pongchise. EU partner aro sati khan para motob kora nemite kushi ase,” koikena Ministry of External Affairs spokesperson Arindam Bagchi para janaishe. India te COVID-19 cases toh besi otha nemite manuh khan besi dukh te ase. Thursday din 24 gonda pithor te notun 3,79,257 COVID-19 cases thurishe. Jowa saal para bemari soruh hoikena etu cases toh ek din pithor te sobse besi thura ase. India te COVID-19 halat nemite medical oxygen aro COVID-19 bemar manuh nemite beds toh besi demand ase. Duniyaa laga alag-alag countries para India logot health infrastructure para besi motob kori ase koishe. Tuesday din World Health Organisation (WHO) para koishe ke, India te COVID-19 bemar besi beya jai thaka nemite 2,600 health experts khan dosura jaga para ahikena hotai din laga cases aro manuh mora toh saboli ase koishe.