Ireland te 15 desh laga manuh ke quarantine nakoribo

July 23, 2020. Ireland laga desh te, 15 desh khan visit kora samay 14 din self-quarantine nathakibo. 15 desh tuh- – Malta, Finland, Norway, Italy, Hungary, Estonia, Latvia, Lithuania, Cyprus, Slovakia, Greece, Greenland, Gibraltar, Monaco aro San Marino, tuh “green list” te ase koikena Irish government para junai thishe. Etu “green list” te thaka desh khan laga virus level tuh Ireland te thaka neshina ase aro tai khan logot be virus tuh komti wala ase, Xinhua news agency paa koishe. Etu list tuh Government para hotai tui(2) hafta te sai thakibo koishe. Irish Cabinet para decision tuh confirm hoikena statement te koishe ke, “kuan manuh khan etu desh para Ireland te ahibo, tai khan nemite peraboli restriction nathakibo. Aro passengers khan dosura desh para aha khan ke Normal Precautions thakina 14 din nemite restrict hobo, koikena BBC para khobor thishe. Aro koishe ke, “plans tuh continue kuribo aro etai thaka kam tuh aro takot thakina Ireland te passengers khan bahar para aha tuh sabo. Etu oper te tai khan para Electronic Passenger Locator Form be olaishe aro follow-up procedures bhal kurikena call centre tuh Dublin Airport Authority para operate kuribo. Airports aro ports te symptomatic passengers ke testing be lobo”. Etai dak te, Northern Ireland chaka jarikena dosura desh para Republic of Ireland te aha manuh sob ke self-isolate kuribo lage aro tai khan laga movement tuh 14 din nemite restrict thakibo. Wednesday din te, Irish Department of Health para koishe ke, desh te COVID-19 bemari cases tuh notun 17 paikena ase aro virus para ek jun manuh morikena ase. Aji dak, Ireland te  COVID-19 bemari cases tuh 25,819 hoikena ase aro desh te etu laga bemar para 1,754 people manuh morishe.