ISIS hamal kora te 6 Iraqi sepia aro 3 civilian morishe

Samarra, Iraq: November 22, 2020. Saturday din north Baghdad te Islamic State group khan para hamla kora te choi(6) jun Iraqi sepai aro tinta(3) civilians khan morishe, koikena police aro local officials para janai thishe. Police para AFP logot koishe ke, rasta osor te bomb para gari te botaikena jihadist khan para police team ekta aro paramilitary khan etu chaka te aha samai gooli marishe. Etu chaka toh capital para 200 kilometers (120 miles) jaikena ase. Charta(4) Hashed al-Shaabi manuh aro tui(2) jun police manuh logot tinta(3) civilians khan morishe koikena Zouiya laga mayor , Mohammed Zidane para AFP logot janaishe. Etu chaka toh Tikrit para 50 kilometers jaikena thakishe. Hamla kora manuh khan laga khobor toh thkanai, hoilebi Zindane koishe ke, Hashed manuh khan morai toh Shiite forces melikena thaka aro tai khan toh Sunni manuh khan ase. Mayor aro police para koishe ke, etu hamla kora kam toh Islamic State (ISIS) jihadist para ase. Hoilebi, etu samai kaun group para be nam lowa nai. November 8 darik te ISIS para hamla kora te11 manuh morishe, etu chaka toh Baghdad airport osor Al-Radwaniyah te howa ase. US military aro dosura sepai khan melaikena 3 saal larai kora te, Iraq para 2017 saal te ISIS ke kotom korishe koikena janai thishe. Notun hamla kora khobor toh United States para 500 sepai khan hataboli kowa beche thakishe, tai khan para 2,500 sepai thakiboli koishe. Hoilebi, Iraqi government para koishe ke “tai khan United States aro coalition sepai khan logot melikena ISIS logot larai koribo mon ase” koikena Thursday din US Middle East commander para janai thishe. General Kenneth McKenzie para koishe ke, ISIS khan etai be Iraq-Syria chaka te 10,000 support kora manuh ase aro etu besi phui laga kotha ase. “Iraqi Security Forces takot thaka nemite United States laga sepai khan Iraq te komti rakib”,  tai aro koishe.