December 17, 2023: Bengaluru FC kan taikan laka nutun coach, Gerard Zaragoza laka pitor deh bhal start ekta banai shae. Sree Kanteerava Stadium deh Bengaluru FC, taikan Jamshedpur Fc keh 1-0 score deh harai di shae Indian Super League match deh.
Match tho shuru para heh intense taki shae. Jamshedpur FC laka goalkeeper TP Rehenesh para ball kan block kuri nah scoreline tho level deh raki shae. Experience taka players, Sunil Chhetri aro Javi Hernanadez, taikan Bengaluru FC karne zaruri roles kan play kuir shae.
Chhetri laka free kick tho Rehenesh para skillfully save kuri di shae aro etu kuri nah tai laka goalkeeping prowess tho dikai di shae. Halftime nahua time deh, Hernandez laka clever play para Bengaluru FC keh penalty klck ekta di shae. Aro etu penalty kick tho Chhetri nahoi nah Hernandez para lui shae. Tai mun dangor para ball tho bottom right corner deh mari shae aro Bengaluru FC keh zaruri gola tho di shae.
Bengaluru FC laka next challenge tho NorthEast United FC laka against ase. Match tho December 24 deh ase.
