Kerela, 15 January : Kerala Blasters FC announce korise Montenegrin defensive midfielder Dušan Lagator ke sign koribo laga khobor. Etu player club laga contract sign korise, May 2026 tak. 30 saal laga midfielder Europa laga various club te 300 match khelibo pora dangor experience loi anibo ase. Lagator Montenegro National Team ke Under-19, Under-21 aru senior level te represent korise.
Lagator laga professional career 2011 te Montenegrin club FK Mogren pora shuru korise, aru tai career te total 10 goal score korise. Tai joldi squad join koribo aru training shuru koribo ase.
Defensive solidity, aerial ability aru tactical awareness nimite jani thakibo pora, Lagator laga versatility team laga defensive structure ke flexibility di bo pare.
“Dušan ekta experience thaka player ase, aru midfield control koribo laga tai laga ability team karone dangor value loi anibo. Tai action te dikhibo karone excited ase aru tai karone sob bhal kamona thakise,” bujai dise Karolis Skynkis, Sporting Director of Kerala Blasters FC.
“Kerala Blasters FC nisina ekta club join koribo karone excited ase, aru tai laga vision aru project ke share koribo nimite interested hoise. Team laga success karone contribute koribo aru Kerala laga unique football culture experience koribo karone tai excited ase,” koise Dušan Lagator.
Add Comment