Islamic State para Red Cross staff kidnap korishe

December 2, 2020. Tuesday din te Islamic State (IS) militant group para koishe, tai khan para Nigeria’s north-eastern Borno State te Red Cross employee ke kidnapped korishe. Wednesday din brief statement samai, group para koishe ke, Kareto aro Gubio, Borno jaga para aid worker ke fake checkpoint para othaishe. Etu manuh ke thura oper te tai laga nam khan eku khobor deya nai nohoile demand aro thamki be kora nai. Etai dak te, incident howa oper te media manuh para khobor eku nai. Islamic State (IS) khan para August moina Africa te aid agencies logot war junai thishe aro etu khobor toh October moina te aro thishem etu samai humanitarian workers khan ke anti-Islam agendas bona nemite botnam korishe. IS para laga latest khobor toh tai khan laga messaging app RocketChat account te junaishe. Etu hamla howa toh, ek din agae te dosura Islamist militant group, Boko Haram,  khan para November 28 darik te hamla kora toh nam loishe, etu samai Borno te farmers khan besi manuh morishe. Tuita(2) jihadist groups khan north-east Nigeria te besi active te ase aro etu oper te Lake Chad jaga te be besi active hoikena ase koishe.