December 10, 2023: Saturday din deh Israel Defense Forces (IDF) para Gaza region deh Hamas militant laka rule tho komsor hobo leh shuru hui ase kui shae. Taikan para ekta video dikai shae kute ekta Hamas operative para assault rifle di kina surrender kuri taki shae. Tai dozen nishi nah Palestinian manu kan keh lui nah Israeli troops keh surrender kuri taki shae, Times of Israel laka report isap deh.
“Mui hotai din achievement diki ase. Terror operative kan aro bishi mura aro jokom kah hotai din diki ase. Aro mukan recent days deh b terrorist kan surrender kura diki ase. Etu tho ekta sign ase rule tho komsor hui ase kui nah, mukan itia push kuri bole lakeh kui nah ekta sign,” Times of Israel para Chief of Staff Lt.Gen. Herzi Halevi keh quote kuri nha kui shae.
Video deh ekta mota gun aro magazine duri nah tank laka osor deh birai taki shae aro mati deh raka diki shae. Osor deh, alak Palestinians manu kan taikan laka underwear deh diki shae taikan laka ID dikai nah. Ekta soldier megaphone chulai nah Arbic deh instructions kan kui taki shae.
“Shejaiya aro Jabaliya deh, terrorist kan kun surrender kuri shae taikan para taikan laka bundok aro saman kan di di shae,” IDF official para leak video tho confirm kuri nah kui shae.
Add Comment