May 25, 2024: Israel army para teentha aro hostages laka body kan recover kuri shae, kun kan October 7 laka Hamas hamla deh murai di shae. Muri jah hosatges kan tho Hanan Yablonka, Michel Nisenbaum aro Orion Hernandez Radoux ase kui nah identify kuri shae. Report laka isap deh, taikan laka kandan kan keh janai di shae.
Taikan sob keh Mefalsim intersection jaka deh murai di shae kui nah army para claim kuri shae. Taikan laka bodies kan tho etu piche deh, Gaza deh lui jai shae, new York Post para report kuri shae.
Ek hapta agae deh, army para teentha hostages laka bodies recover kuri shae, kun kan October 7 laka hamla deh muri jai shae. Israel para Hamas kan Gaza deh ekso nishi nh hostages kan duri nah ase kui shae.
Army para bodies kan tho Jabaliya deh operation kura time deh recover kuri shae kui shae. Bodies kan tho “critical intelligence” deh wapas ani shae, kuto Gaza deh operate kura Israeli forces kan para uncover kuri shae, Military spokesperson Rear Adm. Danile Hagari para kui shae.
Israeli Prime Minister Benjamin Netanyahu para sob hostages kan keh wapas ani bole aro Hamas keh eliminate kuri bole kasam kuri shae. Hoile b, itia b olop heh progress banai nah ase.
Add Comment