March 31, 2024: Sunday din deh Israel aro Hamas majo deh truce laka kotha tho resume kuri bole ase Cairo deh, Egypt laka Al Qahera News TV para Saturday din deh report kuri shae.
Ekta Israeli official para Reuters kan keh Israel kan, Saturday din deh ekta delegation keh pata bo kui shae Cairo laka jaka deh. Hoile b ekta Hamas official para taikan Cario mediators laka hath para first kotha huni bole rukhi bo kui shae. Kotha tho taikan Israel lokot deh ki kotha kuri shae, etu huni bole koi ase. Israel kan choi hapta karne taikan laka offensive suspend kuri bo aro etu laka putli 130 para 40 hostages kan release kuri bo kuto Palestinian militant para itia b duri nah ase. Enaka kotha ekta banai nah ase aro etu deh negotiations kan tho uthi ase.
Hamas kan fighting tho ruka bole aro Israel kan forces withdraw kuri dibole karne kushi ekta deal mangi shae. Hoile b etu tho Israel kan para rule out kuri di shae, taikan tho Hamas laka governance aro military capabilities kan ki hoile b bangai dibo leh fight kuri bo kui shae.
Add Comment