December 17, 2023: Israeli security officials para ekta secret document pai shae 2018 deh. Etu documents deh ekta private equity fund laka details kan taki shae kuto Hamas kan taikan laka operation finance kuri bole chui shae. Documents para million dollars laka assets kan list kuri nah taki shae aro etu documents tho ekta senior hamas officials para lua ase, New York Times para report kuri shae. Documents laka isap deh Hamas kan mining, chicken farming aro road building companies kan control kuri taki shae Sudan deh. United Arab Emirates deh taka twin skyscrapers, Algeria laka ekta property developer aro ekta real estate firm kuto Turkish stock exchange deh list kuri nah ase, etu kan b control kuri nah ase kui shae.
Etu documents kan tho Israeli government aro US lokot share kuri nah taki shae hoile b eku steps kan lui nai taikan, report para claim kuri shae.
Senior Israeli aro American officials tuita b kobor tho prioritize kuri bole fail kuri shae. Etu poisa kan tho Hamas kan keh nutun weapons kan kini bole di shae aro hamla karne ready kuri bole di shae.
Add Comment