Agencies, 30 May: Sunday te Israel laga foreign minister toh Egypt laga capital Cairo te ponjishe Isral aro Palestinian militant group, Hamas majote cease-fire te othabo nemite.
Egypt toh kaam laga thakise Israel aro Gaza-base Hamas majote 11 din larai te kothom koribole nemite. Etu larai te 250 opor manu mora te besi phak Palestinians morise.
Etu larai ola para Palestinian territory te besi beya korise.
Israeli Foreign Minister Gabi Ashkenazi para Egyptian counterpart Sameh Shoukry logote meeting agae te tweet te etu toh 13 sal bechite Egypt te Israeli FM [foreign minister] laga first formal lok kora hobo koise.
Ashkenazi aro Shoukry para kotha kora:
Egyptian foreign ministry para meeting bechite statement te koise, “Shoukry para larai/gongodl ola sob practices te bechae koribole lakiya koise besi phak Palestinian territories te. Cairo para Israel te east Jerusalem, Al-Aqsa Mosque aro sob Islamic aro Christian holy sites logote mela particular sensitivity te manibole koise.
Shoukry para be Egypt laga two-state solution te koise aro etu toh lasting peace kamiyab hobole ekala rasta ase koise.
Sunday te kotha nakora agae te, Ashkenazi para tai khan Hamas logote ekta permanent cease-fire bonabole aro international community para kaam laga role kora logote Gaza te humanitarian debole aro bonabole kotha koribo koise.
Tai para be tai laga government toh Hamas para thurikena thaka Israeli prisoners ke charibole nemite pura wada thakise koise.
Hamas spokesman Abdelatif al-Qanou para be Hamas toh Israel logote prisoner ke charibole opor te kotha koribole khula ase koise. Hamas leader Ismail Haniyeh toh etu hapta bechae phali Cairo te lok koribole bhabona ase.
Sunday te Egyptian President Abdel Fattah el-Sissi para desh laga intelligence chief, chief, Abbas Kamel ke toh Israel te pothaishe. Tai ke potha toh Prime Minister Benjamin Netanyahu aro tusara Israeli officials logote kotha koribole nemite thakise.
Netanyahu para meeting te Jerusalem regional secutity issues logote deal kori aro Hamas te civilian aid para tai khan laga capabilities gara kora te rokhabole nemite koise.
Official khobor te, Fatah-led Palestinian Authority laga role, Hamas te ekta rival Palestinian body toh talks aro reconstruction process te central ase koise.
Add Comment