January 5, 2024: Israel kan paraekta aro targeted approach announce kuri shae Hamas fighters aro taikan laka leaders keh hunt kuri bo karne. Taikan laka aerial assault para Gaza Strip keh pound kuri shae aro kun bah displaced kandan manu kan keh joborjost pola bole di shae safety karne. Thursday din deh Israel kan Gaza deh shelling kura tho 20 Palestinians laka upor manu kan keh murai di shae. Tateh para 16 tho Khan Younis city deh taki shae kuto ekta packed city ase. Etu city deh alak jaka para polai jah manu kan jama kuri nah ase, Gaza laka health officials para kui shae. Manu mura para notha tho bacha kan taki shae kui shae. Alak kobor deh, Israeli kan Al-Nusseirat refuges camp deh taka ekta gari deh strike kura tho pastha Palestinian keh murai di shae kui shae. Gaza deh taka manu kan para Israeli planes aro tanks kan tuita laka refugee camps keh bomb kuri shae kui shae kuto manu kan keh joborjost south jabo di shae.
Thursday din deh tuita suicide bombing hui shae kuto ekta commemoration keh target kuri taki shae. Etu commemoration tho ekta Iranian general karne taki shae kun 2020 Iranian drone strike deh murai jai shae. Islamic State group para etu suicide bombing laka responsibility claim kuri shae.
Add Comment