November 24, 2023: Friday din deh Israeli forces aro Palestine laka Hamas militant kan char-din laka ceasefire tho shuru kuri di shae. Din time deh 13 Israeli maike aro bacha hostages kan realese hobo leh expect ase aji.
Ceasefire shuru nahua time deh officials kan para Gaza deh taka hospital ekta target taki shae kui shae kuto bomb kuri di shae, Ceasefire kotom hua piche deh tuita side b fight kuri tho continue kuri bo kui nah acha kui di shae.
“Din kano lop dictar taki bo pareh aro eku sire nahoi. Etu process kura time deh b changes kan ahi bo pareh. Etu lamba war laka first step tho northern Gaza keh control pitor deh ani bole ase aromukan next stage kan karne ready kuri ase,” Israeli military spokesperson Daniel Hagari para kui shae.
“Truce tho 7am local time deh shuru hui shae aro north, south Gaza deh ekta comprehensive ceasefire taki bo, Qatar foreign ministry para Reuters keh kui shae.
AId kan Gaza deh ahi bole expect ase aro 4pm local time deh hostage laka first group tho release hobo, Qatar spokesperson para Majed Al-Ansari para kui shae. Etu char din pitor deh 50 hostges kan keh release kuri bole ase. Al-Ansari para Palestinians kan keh release kuri bo kui shae Israeli jails kan para.
Hamas para ek din deh aid dura laka 200 trucks kan ahi bo kui sha Gaza deh. News agency AP para Qatar kan fuel ani bole moto kuri bo kui shae.
Add Comment