January 9, 2024: Gaza Health Ministry para 24 hours laka pitor deh Gaza laka jaka deh Israel kan hamla kura tho 73 Palestinians murai jai shae kui shae aro 99 alak keh jokom kuri di shae kui shae. Ministry laka isap deh, October 7 deh war shuru hua piche deh kom seh kom 22,722 manu keh murai di shae Palestinian laka jaka deh. Ministry para teen mohina laka pitor deh 58,000 laka upor manu kan jokom kai shae kui shae Gaza Strip deh.
Monday din Central Israel laka Tel Aviv aro alak cities kan deh Sirens kan baja shuru hui shae. Sirens kan baja tho residents kan keh shelter deh bola bole di shae. Aro Gaza deh taka Hamas kan para taikan rockets kan fire kuri shae kui shae. Jokom kah laka kobor kan report aha nai.
Alak kobor deh Israel Opposition leader Yari Lapid para National unity ministers Benny Gantz, Gadi Eisenkot aro Gideon Sa’ar keh slam kuri shae collation keh chara karne. Yari Lapid para taikan tho Israel keh baja nahoi kui shae, etu tho khali Prime Minister Benjamin Netanyahu heh kuri ase kui shae, Times of Israel para report kuri shae
Add Comment