November 12, 2023: October 7 laka surprise hamla piche deh itia Israel aro Hamas terrorist laka majo deh war taka tho 2nd month deh gusi ase. Israeli Prime Minister Benjamin Netanyahu itia global pressure kan face kuri ase, taikan laka main ally US lokot deh b. Etu pressure tho Gaza deh taka civilians kan keh protect kuri bo krne ase. Hospital laka osor deh Israeli forces aro Hamas militant laka majo deh jakara hua time deh death toll tho uthi ase
Israel laka military IDF para taikan Gaza laka sobse dangor hospital para babies kan keh evacuate kuri bole ready ase kui shae Saundy din deh. Palestinian official kan para teentha baby kan tho muri jia shae kui shae aro alak baby kan muri bole risk bishi ase kui shae. Taikan para army kan hospital staff lokot kam kuri ase kui shae southward jabo karne safe rasta dibo leh.
Ceasefire laka global pressure ahi taki shae hoile b Netanyahu para pura mun di kina Gaza laka ruling Hamas militant keh kotom kuri dibo kui shae. Sob 239 hostages keh release kura piche deh heh ceasefire tho kuri bo pari bo, Netanyahu para ekta televised address deh kui shae.
Alak kobor deh Israel fighter jets kan para Syria deh taka “terror infrastructure” laka against strikes kan kuri ase kui shae. Taikan para Golan Heights deh coss-border fire kura karne jawab di ase kui hae military para.
Israel laka IDF aircraft para Saturday din deh Ahmed Siam keh murai di shae. Tai tho 1,000 Gazan residents aro patient hostages kan keh duri taki shae Rantisi Hospital deh aro taikan keh evacuate kuri bole dia nai. Siam tho Hamas’ Naser Radwan Company laka ekta commander taki shae.
Add Comment