January 7, 2024: Saturday din deh Hamas-run Gaza laka health ministry para kom seh kom 22,722 manu kan murai jai shae kui shae besieged Palestinian jaka deh October 7 laka war shuru hua piche deh. Ministry para ekta statement deh taikan 24 hours laka pitor deh 122 deaths record kuri shae kui shae aro teen mohina laka pitor deh 58,166 manu kan jokom kai shae kui shae.
Alak kobor deh Gaza deh taka health ministry para Sunday din deh tuita journalist muri jai shae kui shae ekta Israeli strike karne. health ministry aro medics laka isap deh, Mustafa Thuria, ekta video stringer AFP news agency karne aro hamza Wael Dahdouh, ekta journalist kun Al Jazeera television network lokot ase, taijun keh murai di shae kui shae gari deh travel kura time deh.
Hamza laka baba Wael al-Dahdouh tho Al Jazeera laka bureau chief ase Gaza Strip deh aro tai b recently jokom kai nah ase ekta strike deh, AFP para report krui shae. Jua sal October 7 laka hamla piche deh Israel kan Gaza deh strike kura tho ekta strike deh Hamza laka wife aro tuita bacha keh murai di shae. Etu hua piche deh tai b jokom kai shae. Thuria tho 2019 deh AFP keh join kuri shae.
New Tork-based Committee to Protect Journalist laka isap deh, Jua sal 31 December para kom seh kom 77 journalist aro media workers keh murai di shae October 7 deh war shuru hua piche deh. 77 para 70 tho Palestinian taki shae, chartha tho Israeli aro teetha tho Lebanese taki shae.
Add Comment