June 23, 2024: Lebanon laka Hezbollah group para taikan north Israel laka Ayelet HaShahar deh taka army 91st Division laka headquater keh hamla kuri shae kui shae ekta drone attack deh aro tateh taikan, Israeli soldiers keh direct lakai di shae kui shae. Drone para taikan keh hamla kuri nah murai di shae aro jokom b kuri di shae. Telegram deh kwa statement ekta deh, group para hamla tho Israeli dushman para kura ‘assassination’ keh jawab dibo karne ase kui shae, kuto taikan Al-Khayara laka town deh kuri shae. Khali, eastern Lebanon deh taka Civil Defense para ekta Israeli raid deh ekta Lebanese manu muri shae kui shae. Etu Israeli raid tho taila gari keh target kuri taki shae, kuto Western Bekaa district deh taki shae. Piche deh Israeli forces kan para taikan Ayman Ghatmeh keh murai di shae kui shae, kun drone kan chui nah Hamas aro Islamic Group (al-Jamaa al-Islamiya) kan keh weapons di taki shae.
Israel-Hamas war: Hezbollah kan para taikan Israeli soldier keh murai di shae kui shae
Add Comment