November 21, 2023: Gaza deh taka hospitals kan Israeli forces kan laka main target hui jai shae. Indonesian hospital deh hamla hua tho kom seh kom 12 manu muri jai shae aro manu bishi jokom kai shae kui shae Gaza health ministry para. Bishi hapta karne hazar nishi nah patients kan jaka nataka manu kan tateh shelter lui taki shae.
Gaza City laka AL Shifa hospital deh 25 premature babies keh evacuate kura time deh etu hamla tho hui shae. Alak health facilities kan nishi nah Indonesian Hospital b operations kan tho rukai di shae huile b patients, staffs aro alak manu kan keh itia b shelter di ase.
Israeli PM Benjamin Netanyahu hostages kan laka kanda lokot mili shae aro mila piche deh tai para aro hostages kan release kuri d bo kui shae.
Israel aro Hamas officials taijun b Gaza para hostages kan release kuri bole ekta deal laka kotha kuri shae. Tuesday din Hamas laka leader, Ismail Haniyeh para Israel lokot deh ekta temporary truce agreement tho osor deh ahi ase kui shae. Hamas official kan para etu deal laka kobor kan tho aha kanda deh announce kuri bo kui shae.
Ekta senior Israeli official para b deal tho bishi osor deh ahi ase kui shae. Official para kom seh kom 50 manu tho release hobo leh ase kui shae agreement pitor deh aro ceasfire tho extend kuri shae koile hostages kan aro release kuri bo pareh kui shae. Bacha kan, taikan laka ama, aro alak maike kan keh release kuri bole kotha kuri nah ase, ekta local news channel para report di shae.
Add Comment