December 16, 2023: Itia takt ho 110 hostages kan free kuri nah ase, 105 kan tho Palestinian manu kan lokot exchange kuri nah free kura ase ekta seven day truce time deh. Tateh para 33 tho bacha kan taki shae, 49 maike taki shae aro 28 tho mota kan taki shae. Isreal officials laka isap de itia b 135 nishi nah hostages kan Gaza deh bazi nah ase.
Friday din Israel para Kerem Shalom border crossing laka jaka para Gaza deh temporary aid ani bole approve kuri shae. Israel kan global nationals laka hath para pressure kan bishi pai ase ceasefire ani bole aro humanitarian aid karne jaka kuli bole.
Defense secretary Lloyd Austin para USS Geral R Ford aircraft carrier aro alak warship keh Mediterranean Sea deh taki bole direct kuri nah ase aro bishi hapta karne.Taikan itia Israal laka jaka osor deh ekta two0carrir presence maintain kuri ase Hamas lokot jakara kura time deh.
Saturday din Iran laka Sistan Baluchestan province laka jaka deh Israel Mossad laka agent ekta keh execute kuri shae. Official IRNA news agency para utu manu tho classified information kan jama kuri taki shae aro etu documents kan foreign services keh di taki shae kui shae. Agent laka identity tho taikan para disclosed kura nai.
Add Comment