December 30, 2023: Friday din deh Gaza Strip laka Khan Younis deh Israeli kan tank aro aerial bombing kan kuri nah jaka keh strike kuri shae, bua manu para kui shae. 24 hours laka pitor deh tuiso nishi nah manu kan muri jai shae Israel kan Hamas militants laka against campaign kura time deh.
Medics aro Palestinians journalist laka isap deh Planes kan b central Gaza laka Nuseirat camp deh air strikes kan kuri shae. Israeli forces kan main southern city deh jabo karne ready kuri ase aro enaka ready kura time deh taikan Khan Younis laka jaka deh dama dam hamla kuri ase.
Defense Minister Yoav Gallant para troops kan Hamas command centre aro arms depots jaka deh punchi ase kui shae Israeli military para taikan ekta tunnel complex bangai di shae kui shae Hamas leader, Yahya Sinwar laka ghor niche kan deh.
Alak kobor deh ekta Palestinian journalist kun Al-Quds TV karne kam kuri taki shae, tai aro taila kandan ekta strike para muri jai shae. Taila ghor tho Central Gaza Strip laka Nuseirat camp deh taki shae aro thik ghor deh strike hui jah tho taikan keh murai di shae, health officials aro alak journalist kan para kui shae. Gaza laka government media office para Israeli offensive karne itia tal 106 Palestinian Journalist kan muri jai shae kui shae.
Add Comment