June 18, 2024: Isreal kan, US-backed ceasefire proposal laka outline change kuri bole open nahoi, kuto Hamas kan alak alak amendments bana bole request kan banai shae, ekta senior Israeli negotiator para Israel laka Yedioth Ahronoth news keh kui shae.
“UN Security Council para accept kura outline keh chari nah, alak kan deh eku negotiations kan nati ki bo,” nam nakura negotiator para kui shae. Source para Hamas laka jawab tho “total refusal” ase kui shae aro Rafah laka operation piche deh b, Israel laka war tho taki bo kui nah warning b di shae. Hamas kan para taikan laka request tho dangor nahoi kui shae aro taikan laka position tho, proposal laka foundational principles lokot deh consistent ase kui shae.
Israel government kan itia b deal keh support kuri bole baji nah ase aro Netanyahu itia b, Hamas kan keh naharai dia tak war tho taki bo kuia se.
