December 17, 2023: Israel Prime Minister Benjamin Netanyahu para international pressure kan taki leh b taila country tho Hamas lokot war kile taki bo kui shae najita tak. Netanyahu laka etu kotha tho Saturday din deh ahi shae ekta press conference deh.
Sunday din deh, Israel laka kun bah close European allies kan Gaza deh ceasefire ani bole appeal kuri shae, PTI para report di shae. Alak side deh Israel kan tho Gaza deh bomb kan kuri ase kuto para ekso nishi nah civilians kan keh murai di shae. French Foreign minister Catherine Colona para sob parties kan keh jakara tho namai di b kui shae Israel-Lebanon laka border deh. Gaza deh war shuru hua lokot utu jaka deh jamala kan tho uthi ase. “Jamala tho aro uthi bole risk bishi ase aro jamala tho control laka bahar jai leh kun b laph babo nahoi aro mui etu Israel kan keh b kui ase. Caution ani b aro jamala tho namai di b, etu tho sob manu kan keh kui ase,” Colonna para kui shae.
Israel kan Gaza laka aid tho Kerem Shalom border para ahi bo di ase first time karne, Reuters para report krui shae. Jua hapta Israel kan tateh jaka para aid trucks kan ahi bole acha kui di shae.
Israeli government kan hostages laka kandam para pressure bishi pai ase itia. Hostage laka kandam para taikan keh Hamas laka hath para release kuri b kui nah demand kuri ase. Saturday din deh kandan kan tho Prime Minister Benjamin Netanyahu laka against protest kuri taki shae.
“Mukan karne papna kuri b aro itia plan ekta bana b kotha kan kuri bo karne,” Noam Perry, hostage Haim Perry laka maike bacha para kui shae protest deh.
Add Comment