November 14, 2023: Tanks kan, north deh taka Gaza laka sobse dangor hospital laka gate deh advance kuri kina Tuesday din deh Israeli forces kan para southern Gaza deh bomb kan bishi girai shae. Health officials kan para power kan nataka karne aro jakara karne patients kan bishi muri shae kui shae etu hospital deh.
Israeli forces kan southern city laka Khan Younis deh taikan laka ghor deh target kuri kina kom seh kom 13 manu keh tho muri jai shae, Gaza health ministry official para kui shae. Military kan para tanks kan b position kuri nah ase Al Shifa Hospital laka bahar deh. Israel kan para etu hospital laka niche deh tunnel kan kui shae kuteh Hamas fighters laka headquarter ase.
Hamas kan para etu Israel laka claim tho deny kuri shae. Israeli military para Gaza deh incubators kan transfer kuri bole kam kuri ase kui shae. Etu tho hospital deh taka bacha kan keh evacuate kuri bo karne kura ase pareh.
Gaza health ministry spokesman Ashraf Al-Qidra kun AL Shifa Hospital deh taki shae, tai para Monday din deh 31 patients muri shae kui shae teen din laka majo deh. Teteh teenjun tho newborn taki shae kui shae. Kom she kom 650 patients kana se pitor deh, tai kui shae.
Alak kobor deh Israeli army kan para taikan Hamas para chula parliament aro government institution kan tho duri lui shae kui shae. “Military units kan para Hamas parliament, government building, Hamas police headquarters aro ekta engineering faculty duri lui shae,” army para ekta statement deh kui shae.
Israel Defense Forces laka soldiers kn para olop age deh tunnel deh jah ekta shaft opening discover kuri shae aro etu shaft tho Gaza mosque deh pai shae. Harel Reserve Brigade reconnaissance unit aro Givati Brigade laka reserve reconnaissance unit para ekta Hamas shaft pai shae mosque laka pitor deh, IDF para kui shae.
Add Comment