February 23, 2024: Secretary General of medical charity MSF para UN security keh warning di shae. Tai para Gaza deh taka pas sal nishi nah bacha kan para taikan mura heh bhal ase kui shae Israel war laka horrors sah bhal tho.
Christopher Lockyear para US laka repeated veto b criticize kuri shae kuto laka resolution para Gaza deh phal ceasefire ani b mangi taki shae.
“138 din karne, mukan para decades karne support kura ekta health system tho bangai dia tho diki shae. Mukan laka patients aro mukan laka colleagues kan mura diki shae diki shae. Itia laga situation tho Israel karne ase, taikan Gaza Strip deh taka sob population laka against war kura karne ase, ekta war kute rules nai,” Lockyear para kui shae.
“United States kan taikan laka power kuto permanent council member taka karne pah ase, etu power taikan ceasefire ani bole koshish tho bia kuri bo karne chua tho ekdum shocking ase mukan karne.”
Alak kobor deh witness para Israel laka claim tho reject kuri shae taikan Nasser Hospital para olai nai kui nah. Centra Gaza deh aro deadly air strikes kan hui ase. Rafah deh manu kan karne aro ekta deadly night taki shae. Atha manu strike para muri shae kui nah report ahi shae. Utu manu kan tho sob displaced Palestinians akna se kun northern part para ahi shae.
Khan Younis deh Israel military para taikan Nasser Hospital deh taikan laka precise aro limited operation kotom kuri shae kui shae. Hoile b diki bo para tho hospital laka destruction heh diki ase. Hoile b itia mukan witness laka hath para Israel military kan hospital para olai nai kui nah ahi ase. Taikan itia b jaka tho surround kuri nah ase aro tanks, shells kan chui nah hospital laka facilities kan target kuri ase.
Add Comment