January 26, 2024: Ministry laka spokesperson, Ashraf al-Qudra para Khan Younis deh hamla kan report kuri shae. Tai para tanks kan ekta hospital laka osor deh shells kan fire kuri ase kui shae. Drones kan b aro medical center laka yard aro building osor deh bishi fire kuri ase kuto para pitor taka sob manu karne kta serious threat ase. Situation tho itia bishi critical deh ase kle koile itia b hospital laka osor deh violence kan hui ase.
Alak kobor deh International Court of Justice para Israel kan keh Gaza deh hua genocide tho phat prevent kuri b kui nah order di shae hoile b war-torn jaka deh ceasefire ani bole para nai. South Africa para ani dia accusation laka ekta preliminary ruling deh, court laka 17 judges panel para choita measures issue kuri shae, Israel kan Gaza deh hua deaths aro destruction tho limit kuri bo kui nah order di kinah. Court laka decision tho binding ase aro appeal kuri bole napareh hoile b court kan enforce kuri bole napareh.
Etu huni nah Friday din deh Israeli Prime Minister Benjamin Netanyahu para International Court of Justic laka ruling tho Israel laka against discrimination ase kui nah reject kuri ase mani shae. “Sob country nishi nah, Israel b nijor laka right ase nijor keh defend kuri bole. Israel laka etu fundamental right deny kuri bole koshish tho Jewish state laka against discrimination ase aro etu tho justly reject kuri shae.” tai para ekta short video deh kui shae.
Add Comment