Ramallah, November 1, 2023: Occupied West Bank deh Israeli raids kan hua tho kom seh kom chartha Palestinians manu muri jai shae, Palestinian health official para Wednesday din deh kui shae. Jenin laka northern city deh ekta raid hua time deh teenjun manu muri shae aro alak ekjun tho Tulkarem deh golai mari nah murai di shae, Ramallah-based health ministry para kui shae.
Israeli military para etu incident tho Jenin refugee camp deh hui shae kui shae ekta raid hua time deh. Etu raid tho jaka laka operative aro militant infrastructure kan keh target kuri taki shae.
Palestinians kan para country deh ekta general strike taki bo kui nah declare kura time deh etu sobse latest incident tho hui shae.
“Sobse zaruri kotha tho injustice aro tyranny rukai di b, innocent manu kan keh namu rai d b aro arbitrary revenge naki tai b, etu mukan demand kuri ase,” 26 sal laka Ramallah resident Fakhri Muhammad Shreiteh para AFP keh kui shae.
1967 laka Arab-Israeli war deh Israel kan para West Bank keh occupy kuri shae aro taikan laka forces kan tate taka Palestinians community keh hamla kuri takeh.
Jua sal para heh violence kan tho West Bank deh utha shuru hui shae. Israeli settlers kan para hamla kan kuri takeh aro army raids kan b hui takeh. Khali Israel kan heh nahoi nah Palestinians laka hamla kan b hui taka Israeli forces aro settlers laka against.
October 7 laka Hamas hamla piche deh 120 laka upor West Bank Palestinians kan keh murai di shae. Israeli authorities kan laka isap deh Hamas militant kan hamla kura tho 1,400 lokot deh bupor manu kan muri shae kui shae aro tateh bishi wak tho civilians kana se kui shae.
Hamas-run Gaza deh taka health ministry para Israel kan Gaza deh bomb kura kina 8,500 lokot deh b upor manu kan keh murai di shae kui shae. Aro tate two-third tho maike aro bacha kan ase kui shae.
Wednesday din deh Prime Minister Benjamin Netanyahu para Hamas lokot deh war jah tho continue kuri bo kui nah kasam kuri shae. Tai Gaza Strip deh “painful losses” kan suffer kuri nah b continue kuri bo kui shae.
“Mukan zaruri achievements kan bishi ase hoile b painful losses kan b ase. Mukan laka sob soldier kan tho pura dunia ase kui nah jani ase ami kan,” Netanyahu para ekta televised address deh kui shae.
“Victory karne kettai taki bo”.
Add Comment