April 23, 2024: Monday din deh, Northern Gaza laka Beit deh operate kura Israeli forces kan sniper fire laka pitor deh ahi shae. Khali sniper fire heh nahoi nah mortar aro rocket-propelled grenade laka hamla pitor deh b ahi shae. Etu hamla tho Palestinian armed group para kurishae, war monitors para report kurishae.
Hamas lokot deh fighters taka aro Al -Aqsa Martyrs Brigades kan, Beit Harnoon deh taka Israeli units laka against hamla kan bishi hui asekui nah report kurishae. Beit Hanoon tho Gaza laka northeastern corner deh ase.
US-based military think tanks Institute for the Study of War (ISW) aro Critical Threats Projects (CTP) laka isap deh, Israeli forces kan recent weeks keh Palestinian militias laka against raid kan bishi kurishae, Beit Hanoun deh. Hoile b Beit Hanoon deh Palestinian resistance thoitia b kara jai ase.
“Etu hamla kan aro Israeli military kanlaka raids kan dikai ase, Palestinian militia cells kan Beit Hanoun deh baji nah asekui nah,” ISW aro CTP para taikan laka latest Gaza situation report deh kuishae.
Add Comment