November 28, 2023: Monday din deh Hamas para hostage laka 4th group release kuri di shae. Itia takt ho Palestinian militant group para 69 hostages kan release kuri di shae char din laka ceasefire deh. Hamas kan para etu char din deh alak alak country laka manu kan keh release kuri sahe, Tahiland, Poland, Philippine aro Russia manu kan keh.
Taikan para etu hostage kan release kuri dia tho manu kan keh kandai di ase kile koile koile taikan kandan aro sathi kan keh wapas lok pai ase. Etu ceasefire tho Monday din deh extend kuri di shae aro.
Reuters laka isap deh Israel laka Mossad aro US Central Intelligence Agency kan Qatar laka Prime minister lokot mili bole ase Doha deh. Etu meeting tho Israel aro Hamas majo deh truce tho kinaka age jabo dibo, etu deh kotha kuri bole mili ase.
Tuesday din deh EU commissioner, Janez Lenarcic para Israeli restrictions kan para Gaza deh fuel ani bole dictar pai ase kui shae.
“Gaza Strip deh fuel supplies kan ani b kui nah mangi ase mukan. Humanitarian access tho needs laka isap deh taki bo lakeh, restrictions deh nahoi nah,” Lenarcic para journalist kan khe kui shae Brussels deh.
Ekta release hostage para Hamas laka hostage taka time deh kinaka taki shae, etu deh kotha kuri shae. Tai para Hamas laka pitor deh taka time deh kha saman kan kinaka taki shae, etu deh b kotha kuri shae. Etu kobor tho 78 sal laka Ruti Munder para kui shae. Munder para tai ekta room deh taki shae kui shae kute sas tho lubo leh dictar taki shae.
Add Comment