January 28,2 204: Israel laka hamla temporary karne ruka bole ekta potential deal bana tho agae jai ase kui nah reports kan ahi ase. Etu deal tho prisoners exchange lokot kuri bole ase. Etu report kan aha piche deh CIA laka head tho Qatar, Egypt aro Israel laka officials kan lokot mili bole ase France deh kui nah kobor pai shae.
Alak kobor deh Palestine para UNRWA row upor deh ekdum bia double standards karne condemn kuri shae. Atha countries para taikan laka donations kuto UN agency for Palestinian refugees karne taki shae, etu donations kan tho suspend kuri shae. Tateh United States b ekta country ase. Etu suspension kan tho UNRWA laka staffs kan October 7 laka hamla deh involve taki shae kui nah accuse hua piche deh hui ase. Palestinian Foreign Ministry para etu tho ekta double standard ase kui nah accuse kuir shae. “UNRWA laka funding aro Israel kan keh support kuri taka tho collective punishment aro ekdum bia double standards ase,” taikan para ekta statement deh kui shae.
Palestinian officials kan para enaka bia humanitarian crisis taka time deh funding kan katia tho devastating aro deadly consequences ani bo kui nah warning di shae. UN Chief Guterres para UNRWA staff laka involvement b denounce tho kuri shae October 7 laka hamla karne hoile b donor nation kan keh Gaza deh taka 2 million manu kan karne aid work tho fund kuri taki b kui nah request kuri shae.
Add Comment