February 21, 2024: February 20 deh United States kan para United Nations Security Council deh taikan laka veto power exercise kuri shae aro etu para ekta draft resolution block kuri di shae kuto Gaza deh ceasefire mangi taki shae, Reuters para report kuri shae.
Resolution kuto Algeria para agae ani shae, etu para phat humanitarian ceasefire mangi shae, alak side deh US kan para tho ekta temporary ceasefire karne press kuri shae Hamas para duri nah taka hostages kan keh release kuri bo karne. 16 member council laka pitor eh, 13 members para Algerian-drafted resolution keh favor kuri shae, Britain aro ekbar abstained kuri shae.
October 7 deh war shuru hua piche deh etu tho US laka third veto ase resolution deh. US kan agae deh ekta amendment block kuri bo karne taikan laka veto jui shae Decmber mohina deh, Reuters para report kuri shae.
Ekta UN Security Council resolution adopt kuri bole, kom seh kom notha votes lageh favor deh aro five permanent members laka hath para ekta veto pabo leh nalaegh: US, UK, France, Russia nahoile China.
