April 19, 2024: Israel kan para Friday morning deh missile attack launch kuri shae iran laka Isfahan deh. Tehran laka rocket aro drone barrage hui nah ek mohina b nahoi nah, hamla tho ahi ase, US officials laka isap deh. ABC aro CBS News para strikes tho early Friday Mideast time deh report kuri shae, US officials keh quote kuri nah. White House aro Pentagon para eku comment kan aha nai etu hamla deh.
Iran para hoile b, taikan drones kan bishi girai shae kui shae aro Isfahan laka osor deh explosion huna piche deh “eku missile attack” hua nai kui shae itia karne. BBC paea explosion tho Isfahan osor deh hui shae kui nah report kuri shae. Isfahan tho ekta major military air base laka ghor ase aro alak alaka Iranian nuclear sites kan province deh ase – Natanz laka city nishi nah, kuto Iran laka uranium enrichment programme lah ekta center piece ase, BCC para kui shae.
Country tho hamla laka pitor deh ahi shae nah nai, etu tho sure nahoi, kile koile Iranian official kan directly hui shae kui nah acknowledge kura nai. Aro Israel laka military kan b jawab dia nai. Hoile b Saturday din Israel laka against hamla hua piche deh tension tho high deh ase.
Add Comment