Israel, 27 February 2025: Israel khan forensic test khotom kuri shey aro charta mura lsraeli hostages laka identity confirmed kuri shey kun laka dead body dishey Hamas khan pra etu exchange te Palestinians prisoners ke chari dishey. Wednesday din rati te, ceremony Natha kina, Hamas khan charta coffin passed kuri shey Red Cross khan ke Gaza pra. Shlomo Mansour 86, Ohad Yahalomi 50, Tsachi Idan 50 aro Itzik Elgarat 69, taikhan laka body ase koina confirmation ahishey Thursday din morning te taikhan laka ghor manu aro communities khan pra. Handover toh 600 opor Palestinians prisoners aro detainees laka release delay laka rasta toh clear kuri dishey. Etu last exchange thaki shey six-week-long first phase Gaza ceasefire deal laka, tadeh questions ase next ki hubo koina.
Hamas khan pra koishey taikhan tayar ase delayed talks toh shuru kuribo leh second phase opor te, kun toh aim kuri ase war khotom kuribo leh aro bacha Israeli hostages laka release toh secure kuribo leh. Hoileh b Israel laka prime minister, kun pressure face kureh taila political allies khan pra Jakara toh resume kuribo leh aro Hamas khan ke mihin kuribo leh, etu pra extension kuri dishey current phase laka. Israeli military khan pra campaign launch kuri shey Palestinian armed group khan ke destroy kuribo leh, taikhan Israel te 7 October 2023 te hamla kura nimite, tadeh 1,200 manu ke murai dishey aro 251 jun ke hostage te loi jaishey.
Add Comment