Beirut, 16 Oct 2024: Israel jets khan Beirut la southern jaka te Wednesday din te hamla kurishey. 6 din la bitor te etu first hamla ase. Lebanese state media khan pra report kurishey. Nuksan kiman biya hoishey echa b bhal pra najaneh.
Caretake Prime Minister Najib Mikati koishey United States government khan taike koishey ki Israel khan Lebanese capital te hamla kurina toh olop komti hubo. Etu koina ekdin par ho pichideh etu hamla toh ahishey.
Israel koishey taikhan olop bhar jaka te Hezbollah la party khan ke hamla kurishey, tadeh jaka te taikhan party olop kara ase. Etu la olop te jaka te manu khan bishi thake aro commercial jaka ase. Israel military koishey Wednesday din la strike toh ekta building la under te hatiyar khan la warehouse te lagishey koishey.
Israel military khan evacuation la warning post kurishey X te. Taikhan Haret Hreik la jaka te building ekta te target kuri ase koishey.
Add Comment