Agencies, 16 May: Sunday te Gaza te Israeli air hamla para besi khor khan beya kori deshe aro 42 Palestinians mora deya te 10 bacha melikena ase.
Israeli military para civilian moraideya toh accident (unintentional) para ase koise aro tai khan para hamla kora toh militants para jola ekta tunnel system te thakise aro etu keri (fall) kena he khor keraideya ase koise.
U.N. Security Council para Israeli-Palestinian gondogol opor te kotha koribole meeting mata te Prime Minister Benjamin Netanyahu koise, Israel laga campaign Hamas Islamist-run Gaza te “full force” joli thakise koise.
Natanyahu para be Saturday hamla para 12-storey building beya kora te Associated Press aro Al Jazeera TV network offices thakise koise. Tai para be etu building te ekta militant group’s intelligence office thakise koise. Etu para target koribole laga thakise koise.
Natanyuhu para tai laga security cabinet logote meeting bechite televised address te tai khan etiya act kora toh lakiya samai tak nemite ase koise aro etu toh Israel laga citizens ke calm aro quiet anibo nemite ase koise. Etu para samai toh lobo koise.
Last Monday para larai ola bechae para, Gaza te mora toh 188 te othise aro etu te 55 bacha khan melikena ase.Ten manu toh Israel te morise aro etu te tuita bacha melikena ase. Etu khobor toh Israeli authorities hisab te ase.
New York te, U.N. Secretary-General Antonio Guterres para Security Council ke Israel aro Gaza te larai toh pura-puri ektum horrible ase aro larai toh joldi kothom koribole nemite janaise koise. Tai koise, United Nations toh tuita sides te actively engage kori thakise joldi ceasefire nemite aro tai khan ke gara aro kamiyab hobo nemite mediation efforts manibole koise.
Israeli military para Hamas, Islamist group para 2,800 opor rockets toh Gaza jaga para hamla korikena ase koise.
Etu toh 2014 te Hamas aro Israel majote 51 din samai larai howa te hamla kora para adha number para besi ase koise. Aro etu toh 2006 te Israel aro Iran-backed Shi’ite group majote larai howa para be besi gara ase koise.
Add Comment