Agencies, 17 May: Monday te Israel para Gaza Strip te besi hawa para hamla korise. Etu agae te Palestinian militants para southern Israeli cities te rickets hamla kora thakise.
Israel para militant group Hamas laga facilities aro besi commanders laga khor te marishe koise hoilebe main rasta aro power lines be beya korise koise. Hamla bechite mora laga khobor joldi naha thakise.
Israeli military koise, Monday te Gaza Strip te 50 opor warplanes para 20-minute hamla korise.
Tai khan para 35 “terror targets” marishe aro 15km (9.3 miles) opor Hamas laga underground tunnel network beya korise koise.
Military para be nine “high-ranking” Hamas commanders laga khor beya korise koise. Israeli sepai para be Gaza border osor para artillery marishe koise.
Israel para pura jaija hapta te desh te 3,000 opor rockets marishe koise.
Monday te rocket warnins sirens awas toh southern Israel osor osor besi jaga te hona thakise. Ekta rocket toh apartment building, city of Ashdod te mara thakise aro besi manu khan jokhom powa khobor hoise.
Gaza te Palestinian officials koise overnight hamla para besi power katishe aro hundreds khor aro tusara building beya korise.
Hamas-run health ministry hisab te, territory te etiya sob melikena mora 200 te ase aro etu te 59 bacha aro 35 maike mora be melikena ase aro 1,305 manu jokhom paise. Israel para 130 opor militants toh mora khan majote ase koise hoilebe Hamas para etu recognised kora nai.
Ceasefire nemite international calls toh othi ase.
Monday te Egypt’s President Abdul Fattah al-Sisi para tai laga desh toh ceasefire ponjibo nemite ektum agae tak jaise aro etiya be thakibole bhabona ase koise.
Sunday te UN Security Council para emergency meeting lowa thakise aro Secretary-General António Guterres para larai agae jai thaka para uncontainable security aro humanitarian dekthari nemite potential ase koikena hosiyar janaishe. Tai para etu kithara gondogol/larai toh joldi kothom koribole nemite appeal korise.
Add Comment