Israel para countries laka ambassadors keh matishae

April 21, 2024: Countries kankun full Palestinian UN membership karne vote kurishae, Israel kan taikan laka ambassadors kan keh summon kuri bole ase “ekta protest kotha” karne, ekta foreign spokesperson para kuishae. Washington para agae deh Palestinian membership keh veto kurishae aro etu hua piche deh Palestinian authorities kan para taikan, United States lokot deh taka relationship tho reconsider kuribo kuishae. Thursday laka vote deh 12 countries kan, UN security Council deh, ekta resolution back kurishae full Palestinian membership karne aro tuita -Britan aro Switzerland- kan abstain kurishae. Saturday din deh Israeli foreign ministry spokesman Oren Marmorstein para ministry kan, countries kunkan UN deh Palestinian membership karne vote kurishae, taikan laka ambassadors kankeh ekta protest kotha karne summon kuribo kuishae. “France, Japan, South Korea, Malta, Slovak Republic aro Ecuador laka ambassador kankeh khali summon kuribo ekta demarche karne aro taikan keh ekta kara protest present kuribo,” tai para laka ekta post deh kuishae.