Israel para Hezbollah positions keh strike kuri shae

October 5, 2024: Hezbollah aro Israel laka beach deh taka clashes tho Saturday din deh hui taki shae. Saturday din, Beirut laka southern suburbs jaka deh bomb kan buta huni shae, Israel kan para utu jaka deh evacuation orders kan issue kura piche deh.Friday din deh Israel kan para Hezbollah laka intelligence headquaters keh target kuri shae, kuto Beirut deh ase. Air hamla tho Iran-backed Hezbollah laka leader, Sayyed Hassan Nasrallah laka potential successor keh eliminate kuri bo karne taki shae kui nah report ahi shae.Saturday morning deh, foreign media kan para Beirut laka southern suburbs jaka deh blast ekta diki shae aro dunga b diki shae. Israel kan para civilians kan keh teentha alerts issue kuri shae, safe jaka karne jabi kui nah. First alert tho Burj al-Barajneh neighborhood laka building deh taka residents  kan keh warning di shae. Second warning tho Choueifat district deh taki shae. Third alert tho Haret Hreik laka buildings deh taki shae aro Burj al-Barajneh deh b.Lebanon government para ek sal pitor deh 2000 manu muri jai shae kui shae. Taikan para bishi wak tho Israel para Lebanon keh hamla kura piche deh hui shae kui shae.