Israel para India aro 6 desh te travel ban korishe

Jerusalem: Israel para tai khan laga desh manuh ke India te aro dosura 6 countries te COVID bemar besi thaka jaga te peraboli bondh korishe koishe. Friday din te Prime Minister’s Office aro Health Ministry parar joint press release te koishe ke, Israelis manuh ke Ukraine, Brazil, Ethiopia, South Africa, India, Mexico aro Turkey te jaboli mana korishe. Etu hokom toh May 3 darik para soruh hoikena May 16 darik dak thakiboli janaishe. Hoilebi, Non-Israelis manuh khan ke etu countries te jaboli paribo aro etu samai tai khan hotai nemite bohiboli bapana thakile hobo, press release te koishe. Etu fesla toh airports te thakai khan aro kaun etu desh para tai khan laga flights 12 gonda pithor te roki thaka samai logot bondh nathakibo. Israeli government para tai khan laga health aro interior ministers logot koishe ke, appeal committee aro panel reviewing special cases nemite representatives juniboli janaishe. Etu samai, Health Ministry para janaishe ke, etu 7 countries laga manuh kaun ahibo tui(2) hafta mandatory quarantine koribo, jodi tai khan vaccine aro COVID-19 bemar bhal hoilebi koribo, koikena local media khobor hesab te janaishe. Kaun manuh logot tuita (2) COVID-19 negative test reports thakibo, etu manuh khan nemite quarantine toh 10 din thakibo koishe. Etu extra hoshari hokom toh May 3 darik para soruh koribo, hoilebi Knesset’s (Israeli parliament) Arrangements Committee laga kotha hesab te koriboli ase koishe.