Israel para polio vaccinations karne humanitarian pause kuri bole acha kui shae

August 30, 2024: Health Officials kan Gaza deh taka bacha kan keh polio vaccination administer kuri bole karne Israel para Gaza deh teen din laka “humanitarian pauses” taki bole acha kui shae, World Health Organization para Thursday din deh kui shae. Mukan kotha kura nishi nah, campaign tho September laka first deh shuru hobo, teen din karne aro vaccination taka time deh ekta humanitarian pause taki bo,” Rik Peeperkorn, Palestinian territories karne agency laka representative para kui shae. Vaccination rollout tho southern aro northern Gaza keh b cover kuri bo, kuto taikan nijor laka teen din pause pabo, Peeperkorn para reporters kan keh kui shae. Tai para Israel kan laki shae koile additional din b allow kuri bole acha kui nah ase kui shae.