Israel pora Damascus airport de missile hamla korise

Agencies, 16 September: Syrian state media pora janaideya hesab de, Saturday rati Isral pora Damascus International Airport de missiles hamla korise koise. Aro janaideya hesab de, etu hamla pora kunbah namu ke toh keraidese koise. War monitoring group pora janaideya hesab de, etu hamla toh Iranian forces nahoile Lebanon’s Hezbollah group logode kura laga ase koise. Etu putha (explore) toh pura Damascus jaga de huna thakise. State news agency SANA pora missiles akash pora ori kena hamla howah photo toh dekhaideya thakise. State media pora kowah toh, naam najana military official pora etu hamla howah khobor eku janaideya nai koise. Rami Abdurrahman pora janaideya hesab de, etu airport jaga de hamla howah toh, etu par Iranians nahoile Lebanon’s Hezbollah group pora notun hatyar khan anni-kena rakha jaga de hamla howah ase koise. Etu hamla pora manu khan mori-kena nahoile jokhom hoikena ase na-nai eku khobor napai kena ase. Hoilebe khobor hesab de, saman khan toh beya hoi kena ase koise.