Israel-Iran war, 9 Oct 2024: Lebanon la Ambassador pra India la Rabie Narsh ke Wednesday din te koishey Israel khan bishi advanced hatiyar aro technology chulai ase. Aro banned, nachulabo leh la guli white Phosphorus khan chulai ase. PTI report kurishey.
Hatsa bishi dangor hoi kina ase, tadeh pra 2,100 manu toh muri jaishey aro alak b bishi jokom pai kina ase. Etu b nahoi, 2.2 million jun toh ghor chari kina polai jaishey. Halat bishi biya hoi kina ase. Narsh pra enika koishey.
October 9 te Hezbollah khan Haifa te 80 plus rocket chulaishey. Israel khan Tuesday din te Southern Lebanon te hamla kura pichideh he etu hamla toh kurishey.
Israeli army khan pra koishey taikhan la ground operation toh aro dangor kuribo ase Lebanon te. Reports khan pra koishey.
Israel khan Tuesday te janai dishey taikhan southern Lebanon te fourth division aro phatai ase. Ground la hamla toh kara aro dangor banabo nimite. Reuters khan pra report kurishey.
Hezbollah la deputy leader chief, Naim Qazzem b Tuesday din te Lebanese khan khota kurina cease fire kuriboleh manzur thakishey. Israeli military khan koishey taikhan toh 146th Division Lebanon te phatai dishey . Media Report khan pra koishey.
Add Comment