Gaza, 11 Oct 2024: Israeli la airstrike pra sopse komti 28 manu ke murai dishey aro manu bishi ke jokom kuri dishey. Central Gaza, Deir al-Balah te school ekta ke shelter nishina chulai thake te hoishey Thursday din te. Palestine Red Crescent Society pra janai dishey.
Rafidah school te hamla pra 54 Palestinians jokom hoishey, Red Crescent pra koishey. Hospital officials khan manu kiman murishey confirm kuri loishey.
Israeli military pra koishey taikhan school la compound te hamla kurishey. Tadeh Terrorists khan la command and control center chuli thakishey. Aro koishe taikhan alak kam b kurishey manu khan ke bachaboleh.
CNN khan video dikhaishey. Bacha khan ke ambulances te loi jala, taikhan la shakal pura khun pra lokai kina. Bishi jun toh kandi nah ala kuri thakishey. Ekta maiki toh hospital mati te humai kina, khali underwear chulai kina, kapi kina khun ke pura cover thakishey. Body te pura jui pra jula laka daki thakishey.
Etu hamla pra school la wall pura girai dishey. Responders aro manu bacha khan wall gira toh ghundi thakishey body te bisaribo nimite.
Add Comment